Jab din mein bhi ho
Raaton ka andhera aankhon mein
ek aur raat jab neend khele aankh micholi
Mastishq bhi khele buri yaado se badrang rango ki holi
Aur zehen mein reh jaaein adhuri chaahtein.
Magar aarzu ye hai ki fir aaye saawan ghoom ke ik din
Jab shaam hote he sapne humein bhi Karein yaad
Yaadon mein bhi bhare rang bemisaal
Aur jaise bhaang ke se nashe mein jhoome mera mann aaj
Aisi Khoobsurat khwahishon ki imaarat khadi ki Maine.
Fir ek din sacchai se hui ittefaq se mulaquat…
Aankho mein Mili andhiyari raat
Raat ke andhere mein Chhupe hue ashq
Ashquon mein dabe hue, dhanse hue khwaab
Khwaabon mein bahut sara hansna, khelna, dena aur paana
Pyaar he pyaar
Jab mitt jayenge hum yaha se, iss jahaan se
Sapne mil jaayenge mitti mein
Raakh ho jayenge jab sab gilaah shikwe
Tab ek aisi neend aayegi
Ki koi bhi shor, sharaarat, soch
In sapno mein rehne se rok nahi paayegi
Aisi ek Kali Syah Raat
…
All things interesting ... 